Исроил Теҳроннинг тинч аҳоли турар биносига уюштирган ҳужуми 73 нафар инсоннинг ҳаётига зомин бўлди

Исроилнинг Теҳронга сўнгги учта зарбаси натижасида 73 аёл ва бола ҳалок бўлди.

Бу ҳақда Эрон ТИВ расмий вакили Исмоил Бағий Х ижтимоий тармоғида ёзди.

"Теҳронда охирги уч ҳужумда 73 нафар аёл ва бола ҳалок бўлди; Чемран турар-жой мажмуасида 20 нафар бола ҳалок бўлди, 48 соатдан кейин ҳам 10 киши вайроналар остида”, — деди у.

Унинг сўзларига кўра, “Исроил пропагандаси” зарбалар “жарроҳлик аниқлиги билан, турар-жой ҳудудларига зарар етказмасдан” амалга оширилаётганини даъво қилса-да, аслида Исроилнинг “жарроҳлик аниқлиги” “болалар ва аёлларни нишонга олишдан” иборат.