Исроил мудофаа кучлари Ғазо шаҳридаги позицияларини мустаҳкамламоқда.
Исроил танклари Ғазонинг яна бир тумани – Сабрага кириб келган.
Шу ҳафта бошида Зайтун туманида Исроил армиясининг зирҳли техникалари кўзга ташланди. Бунгача Исроил армияси Ғазо шаҳри чеккаларини эгаллаб олгани маълум бўлган эди.
Эслатиб ўтамиз, 8 август куни Исроил бош вазири Беньямин Нетаньяхунинг идораси хавфсизлик маҳкамаси унинг Ғазо шаҳри устидан Исроил армияси назоратини ўрнатиш режасини маъқуллаганини тасдиқлаган эди. Бу режалар Исроил ичида ҳам, хорижда ҳам танқидга учради.
