Ғазода Исроил томонидан ўлдирилганларнинг деярли 70 фоизини болалар ва аёллар ташкил қилади.
Ғазода аёллар ва болалар ўлдирилмоқда, ўлдирилмаётганлари эса оч қолдирилмоқда.
Бу жума куни эълон қилинган иккита янги ҳисоботда айтилади.
Озиқ-овқат хавфсизлиги бўйича глобал экспертлар Ғазо шимолида очарчилик ҳозир яқинлашиб қолганини айтиб, кейинги фалокатнинг олдини олиш учун зудлик билан чора кўришга чақирди.
Шошилинч огоҳлантириш очарчилик бўйича глобал экспертлар ҳисобланган ҳукуматлар, БМТ агентликлари ва ноҳукумат ташкилотлари коалицияси томонидан юборилган. Тавсиялардан бири Исроилнинг Ғазо шимолидаги бир ойдан ортиқ давом этган қамалини тўхтатиш.
Шунингдек, жума куни БМТнинг Женевадаги Инсон ҳуқуқлари бошқармаси Ғазода ўлдирилганларнинг қарийб 70 фоизи - улар мустақил равишда текширишга муваффақ бўлган - аёллар ва болалар эканлигини айтди. Ушбу ҳисоботда, шунингдек, уларнинг 80 фоизи турар-жой биноларида ўлдирилган.
Ҳисоботлар Исроилнинг Ғазога қарши давом этаётган урушининг оқибатлари ва кўплаб бегуноҳ тинч аҳолини ўлдираётгани ҳақида яна бир кучли эслатмадир.
