Исроил ҳарбий-ҳаво кучлари Эроннинг "Қудс" штаб-квартирасига ҳужум қилди

Исроил ҳарбий-ҳаво кучлари Теҳрондаги Эрон Ислом инқилоби қўриқчилари корпусининг Қудс кучлари (элита бўлинмаси) штаб-квартирасига ҳужум қилди.

Бу ҳақда Исроил мудофаа кучлари матбуот хизмати маълум қилди.

"Аниқ ва ишончли разведка маълумотларига асосланиб, Исроил армияси жангчилари Ислом инқилоби қўриқчилари корпусининг "Қудс" кучлари штаб-квартираси ва Эрон армиясининг қўмондонлик марказларига ҳужум уюштирди", — дейилади баёнотда.

Армия матбуот хизмати ушбу штаб-квартирада "Қудс" жангарилари Эрон режимининг Яқин Шарқдаги ишончли вакиллари орқали Исроилга қарши террорчилик амалиётларини режалаштирганини қайд этди.