АҚШ президенти Доналд Трамп ўзининг Truth Social саҳифасида шундай деди:
“Исроил 60 кунлик тинчлик учун зарур шартларга розилик билдирди. Шу вақт ичида биз урушни тугатиш учун барча томонлар билан ишлаймиз.”
Трамп ХАМАСни ҳам “сўнгги таклифни” қабул қилишга чақирди. Унинг сўзларига кўра, бу таклиф яқинда Қатар ва Миср томонидан тақдим этилади — бу икки мамлакат узоқ вақтдан бери можарода воситачилик қилиб келмоқда.
“Умид қиламанки, Яқин Шарқ манфаатлари учун ХАМАС бу келишувни қабул қилади, чунки яхшиси бўлмайди — фақат ёмонлашади!” — деди Трамп.
Axios портали маълумотига кўра, АҚШ расмийлари Исроилни рози қилиш учун шундай таклифлар берган ва буга эришилган. Трамп бир неча кун олдин 60 кунлик тинчлик эҳтимоли борлигини айтган эди.
Трамп яқинда Вашингтонда Исроил бош вазири Биньямин Нетаняҳуни қабул қилади, учрашувда Газадаги уруш муҳокама қилинади. АҚШ президенти тинчлик келаси ҳафта амалга ошиши мумкин, деб ҳисобламоқда.
Ҳозирча ХАМАС тинчликка тайёр эканига оид аниқ белгилар йўқ. Террор ташкилоти олдин урушни тўлиқ тугатишни талаб қилган. АҚШ ва Исроил ушбу талабларни янги таклифларида инобатга олган ёки йўқлиги номаълум.
Аёлларнинг пенсия ёши яна 6 ойга оширилди
Қирғизистонда фавқулодда ҳолат эълон қилинди
Эрон зарбаларини қайтаришда Исроилга ёрдам берган Иорданияда ароқдан заҳарланиб 9 киши ўлди
