Исроил Ғазо бўйича воситачилардан таклиф олди

Исроил Ғазо секторидаги воситачилардан таклиф олди, шундан сўнг у қарши таклиф билан чиқди.

Бу ҳақда Исроил вазирлар маҳкамаси раҳбари идораси маълум қилди.

"Бош вазир Беньямин Нетаньяху воситачилардан олинган таклифдан сўнг бир қатор маслаҳатлашувлар ўтказди. Сўнгги соатларда Исроил АҚШ билан тўлиқ ҳамкорликда ўзининг қарши таклифини воситачиларга тақдим этди", — дейилади баёнотда.

Аввалроқ Фаластиннинг ҲАМАС ҳаракати Ғазо секторида ўт очишни тўхтатиш шартларини Исроил билан музокараларда воситачилик қилаётган Миср ва Қатардан қабул қилган эди.