Испанияда Россияга етказилиши режалаштирилган кимёвий моддалар мусодара қилинди

Испанияда кимёвий қурол ишлаб чиқаришга мўлжалланган катта миқдордаги кимёвий моддалар мусодара қилинди, улар Россияга етказилиши режалаштирилган бўлган, деб хабар бермоқда Reuters

"Барселона портидаги контейнерда Россия Федерациясига олиб кириш тақиқланган 13 тонна кимёвий моддалар топилди, улар орасида кимёвий қурол ишлаб чиқаришга мўлжалланган ва асабни фалажлантирувчи моддалар ҳам бор", деб ёзади агентлик.

Испания полициясининг маълум қилишича, Россияга етказилиши тақиқланган кимёвий моддалар етказиб бериш каналини ташкил қилган тўрт нафар гумонланувчи ҳибсга олинган.