Испания Миллий суди баск террорчилик гуруҳининг ЭТА собиқ аъзосини 2002 йилда бир неча ҳужум уюштирганликда айблаб, 110 йилга озодликдан маҳрум қилди.
Ҳужжатда айтилишича, аёл ЭТА аъзоларини «2002 йилда учта ҳужумни амалга ошириш учун зарур воситалар билан таъминлаганлик, раҳбарлик қилгани ва таъминлагани» учун ҳукм қилинган. Терактлар Сарагоса ва Наварра автоном жамиятида содир этилган. Оқибатда бир неча киши тан жароҳати олди ва катта моддий зарар ҳам келтирилди.
ЭТА 1959 йилда ташкил этилган ва Испания шимоли ва Франциянинг жануби-ғарбий қисмидаги ерларни ўз ичига олган Басклар ҳудудининг мустақиллигини ҳимоя қилган. ЭТА томонидан уюштирилган терактлар натижасида 820 дан ортиқ одам ҳалок бўлди. Гуруҳ 2011 йилда урушни тўхтатганини эълон қилганига қарамай, Испания ва Франция ҳукумати ЭТА аъзоларини таъқиб қилишда давом этмоқда.
2018 йил май ойи бошида гуруҳ ўз фаолиятини бутунлай тўхтатганини эълон қилди.
«Қиёмат музлиги» кутилганидан тезроқ хавф сола бошлади
Ер юзининг энг гўзал аёли аниқланди
Афғонистон варианти Украина учун мос деб топилди
