“Исломий давлат” террорчилик гуруҳининг собиқ жангариларининг оила аъзоларидан бўлган Ироқ фуқароларининг катта гуруҳи – 850 киши Суриядан Ярубиядаги назорат-ўтказиш пункти орқали уйларига олиб кетилди.
Бу ҳақда Суриянинг Хасака вилоятидаги курд мухторияти маъмурияти вакили Shafaq News агентлигига маълум қилди.
"Автобуслар колоннаси Ал-Ҳол махсус лагеридан қаттиқ қўриқлаш остида чиқиб кетди, 232 ироқлик оила, жами 850 киши лагерни тарк этди, унга зирҳли транспортёрларда АҚШ қўшинлари ҳамроҳлик қилишди, халқаро коалициянинг учувчисиз учоқлари эса осмонда патруллик қилди", — деди расмий.
Унинг сўзларига кўра, бу 2025 йил бошидан бери 11-карвондир. Июль ойида 800 нафар, июнда 940, май ойида 865 нафар ироқлик ватанига қайтарилган. 2021 йилдан буён Ал-Ҳолдан жами 15 мингдан ортиқ одам Ироққа қайтган.
ИШИД жангариларининг оила аъзолари Найнаво вилоятининг маъмурий маркази Мосул шаҳридан жанубда жойлашган Ал-Жада шаҳридаги кўчирилганлар учун вақтинчалик марказга реабилитация қилиш учун олиб кетилмоқда. У ерда оилалар Ироқдаги тинч ҳаёт шароитларига мослашади ва реабилитация давридан кейин уларга аввалги яшаш жойларига кўчиб ўтишга рухсат берилади.
Машҳур актёр ўз квартирасидан ўлик ҳолда топилди
ФИФА Аргентина терма жамоасини 2026 йилги жаҳон чемпионатидан четлаштириши мумкин
Ҳудудлар “эртами кечми” барибир Москвага тегишли бўлади
