Эрон Қуролли кучлари марказий штаби баёнотига кўра, Ироқ Ҳормуз бўғози орқали ўтишга қўйилган чекловлардан озод этилди.
Маълум қилинишича, мазкур чекловлар фақат “душман давлатлар”га нисбатан қўлланилади.
Эслатиб ўтамиз, 28 февраль куни АҚШ ва Исроил Эронга қарши қўшма ҳарбий операция бошлаган. Бунга жавобан Теҳрон ракета зарбалари берган ва Форс кўрфази минтақасидаги АҚШ ҳарбий базаларига ҳужумлар уюштирган.
Шунингдек, минтақадаги кескинлик сабаб айрим давлатлар ўз ҳаво ҳудудини вақтинча ёпгани маълум қилинган.