Иқтисодий қийинчиликлар АҚШда рекорд даражадаги ишдан бўшатишларга олиб келмоқда

2026 йил январь ойида АҚШ компанияларида 108 мингдан ортиқ ходим ишдан бўшатилди, бу 2009 йилдан бери энг юқори кўрсаткичга етди.

Бу ҳақда Bloomberg агентлиги Challenger, Gray and Christmas Inc бандлик фирмасининг ҳисоботига таяниб хабар берди.

"Ушбу ишдан бўшатиш режаларининг аксарияти 2025 йил охирига келиб ишлаб чиқилган. Бу иш берувчиларнинг 2026 йилга мўлжалланган истиқболга нисбатан жуда оптимистик эмаслигидан далолат беради", деди Challenger, Gray and Christmas Inc. компаниясининг бош даромад бўйича директори Энди Челленджер агентликка.

Рақамлар ўтган йилнинг январь ойидан бери 118% га ошганлиги қайд этилган. Ҳисоботга кўра, оммавий ишдан бўшатишлар миллий иқтисодий вазият, компанияларнинг шартномалардаги йўқотишлари ва йирик АҚШ корпорацияларининг қайта ташкил этилиши билан боғлиқ.