Ҳиндистонда фуқаролик жамияти ва мухолифатга босим фонида мазкур мамлакат мусулмонлар учун тобора хавфли жойга айланмоқда. “Жанубий Осиё жамоаси” инсон ҳуқуқлари ташкилоти ҳисоботида ана шундай дейилган.
“Анадолу” агентлигининг хабар беришича, мазкур ташкилот “Жанубий Осиёда озчиликларнинг ҳолати” номли йиллик ҳисоботини эълон қилди. Муаллифларнинг таъкидлашича, бош вазир Нарендра Моди раҳбарлигидаги Ҳиндистон халқ партиясининг миллатчилик йўлини танлаши мамлакат мусулмонларига босимнинг ошишига олиб келган.
Ҳисоботда ўтган йили Ҳиндистон марказий ҳукумати томонидан тайёрланган фуқаролик миллий реестри туфайли миллионлаб мусулмон фуқароликсиз қолиши мумкинлига эътибор қаратилган. Ваҳоланки, фуқаролик ҳақидаги қонунга киритилган ўзгартириш Афғонистон, Покистон ва Бангладешдан келган ва мусулмон бўлмаган муҳожирларга фуқаролик олиш имкониятини беради.
Шунингдек, “Жанубий Осиё жамоаси” ҳисоботида ҳиндистонлик ҳуқуқ ҳимоячилари ҳукуматнинг ва у қўллайдиган мафкуравий гуруҳларнинг мунтазам таҳдиди остида эканлиги айтилган.
Америкалик таниқли боксчи Баҳодир Жалолов ҳақида фикр бирдирди
ЕЧЛ. Ярим финал. "Бавария" "Реал" билан жанговар дуранг қайд этди
ЖССТ: Исроилнинг Рафаҳга ҳужуми гуманитар фалокатни янада кучайтиради
