Индонезия ғарбида юз берган кўчки оқибатида 10 киши ҳалок бўлди, 82 киши бедарак йўқолди. Бу ҳақда мамлакат табиий офатлар оқибатларини бартараф этиш миллий агентлигига асосланиб Хитой марказий телевидениеси (CCTV) хабар берди.
Ғарбий Бандунг минтақасида жойлашган Ғарбий Ява провинциясида кучли ёмғирдан кейин содир бўлган лой кўчкиси кичик аҳоли масканини бутунлай вайрон қилган. «Бедарак йўқолганлар жуда кўп, қидирув-қутқарув ишларини янаям жадаллаштиришга ҳаракат қиламиз», — деди вазирлик вакили Абдул Муҳари.
Эслатиб ўтамиз, 2025 йил декабрида Марказий Явада юз берган иккита кўчки оқибатида 30 киши ҳалок бўлган, 40 киши бедарак йўқолган. 2 декабр куни сув тошқинлари ва кўчкилар оқибатида 753 киши ҳалок бўлгани, 526 киши бедарак йўқолгани мамлакат расмийлари томонидан маълум қилинди.
"Дунё гўзали" танлови иштирокчиси кийимида Ўзбекистон байроғи рамзларидан фойдалангани учун жаримага тортилди
Зеленский: "Россия катта зарба беришга тайёрланди ва уни амалга ошириш вақтини кутмоқда"
"Жангдан сўнг у Марказий Осиё ҳақида бундай бемаза гаплар гапирмайди”
