Бугун 28 июль, 2025 йил, душанба

O'ZB

Индонезия қирғоқлари яқинида ёниб кетган паромдан 280 нафар йўловчи эвакуация қилинди

Индонезия қирғоқлари яқинида ёниб кетган паромдан 280 нафар йўловчи эвакуация қилинди

Индонезия ҳарбий-денгиз кучлари якшанба куни мамлакат қирғоқларида ёниб кетган KM III Barcelona йўловчи паромидан 280 кишини эвакуация қилди.

Бу ҳақда Antara агентлиги Индонезия флоти қўмондони Дених Хендратага таяниб хабар бермоқда.

"Биз барча жабрланганлар эвакуация қилинганини тасдиқлаймиз", деди у.

Бироқ уч нафар йўловчи ҳалок бўлган. "280 нафар йўловчидан учтаси ёнғин туфайли эмас, балки касаллик туфайли ҳалок бўлганини қайд этдик", — деди Манадодаги ҳарбий-денгиз базаси қўмондони Пасуна Сиҳомбинг. Унинг сўзларига кўра, ҳозирда қутқарув гуруҳи бортида бошқа йўловчилар йўқлигига ишонч ҳосил қилиш учун ёниб кетган кемани текширишни давом эттирмоқда.

Манадо шаҳрига кетаётган кемадаги ёнғин якшанба куни тушдан кейин содир бўлган. Қутқарув операциясида ҳарбийлардан ташқари қутқарув хизматлари ҳам қатнашган, маҳаллий балиқчилар эса эвакуацияга ёрдам берган.

Киритилди: 10:50 21.07.2025. Ўқилди: 486 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!