Илон Маск тарихдаги энг бой одамга айланди — Bloomberg

Унинг бойлиги 347,8 миллиард долларга баҳоланган, дунёда ҳеч кимда бунча миқдорда маблағ бўлмаган. Аввалги рекорд ҳам Маскга тегишли эди, 2021 йилда у 340,4 миллиард доллар билан тарихдаги энг бой одам сифатида қайд этилган.

Bloomberg маълумотларига кўра, ҳозирда дунёнинг энг бой инсонлари рейтингида Аmazon асосчиси Жефф Безос 219 миллиард доллар билан иккинчи, Оracle бош директори Ларри Эллисон 206 миллиард доллар билан учинчи ўринни эгаллаб турибди.

Агентликнинг хабар беришича, ўтган ҳафтада Маск Тesla акцияларининг ўсиши ва хAI стартапининг қиймати туфайли 35 миллиард долларга бой бўлди. Қайд этилишича, ушбу активларга қизиқиш ортишига Доналд Трампнинг АҚШ президентлиги сайловидаги ғалабаси сабаб бўлиши мумкин.