Илон Маск сунъий интеллект ўрнатилган Apple маҳсулотларини тақиқлаш билан пўписа қилди

Apple сунъий онг ўрнатилган iOS18 ни тақдим этди. У янги Iphone, Ipad ва Mac учун мўлжалланган.

Нейротармоқ фотосуратларни топиш, уларни таҳрирлаш, одамларни қирқиб ташлаш имконига эга.

Шунингдек, СО сизнинг хабарларингизни ўқиб уларнинг қисқача мазмунини айтиб бериш, жавоб ёзишни ҳам билади.

Apple Intelligence OpenAI компаниясининг ChatGPT сунъий онги асосида яратилган. Айнан шу ҳолат Маскнинг жаҳлини чиқарди.

“Apple ўз сунъий онгини яратишга ақли етмайди, лекин OpenAI сизнинг шахсий маълумотларингизни хавфсиз сақлашига ишонади. Аслида Apple сизнинг маълумотларнингиз билан нима бўлаётганини тасаввур ҳам қила олмайди... Бу шпионлик дастурини дарҳол тўхтатинг акс ҳолда барча Apple қурилмалари менинг компанияларимда таъқиқланади”, - деб изоҳ берган бизнесмен.

Гап шундаки, Илон Маск олдин OpenAI компаняси асосчиларидан бири бўлган, лекин кейинчалик улар билан алоқаларни узган эди.