Замонавий тиббиётда гепатитга юқумли инфекцион касаллик деб таъриф берилади. Шунингдек, у эл орасида “сариқ касаллиги” номи билан ҳам машҳур. Ибн Синонинг “Тиб қонунлари” асарида ушбу хасталикнинг кўринишлари, аломатлари ва даво чоралари ҳавола этилган.
Асарда ёзилишича, сариқ касаллигида бадан ранги хунук суратда сарғайиб ўзгаради. Бунга хилтнинг тери остига оқиб бориши сабаб бўлади. Сариқликнинг пайдо бўлиши жигар, ўт қопи, талоқ функциясининг бузилиши билан бевосита боғлиқ. Зеро, сафронинг кўп туғилиши ёки уни чиқара олмаслик сариқни юзага келтирувчи ташқи сабаблардандир.
Сариқ касаллигига учраган кишиларнинг кўпида ич қотади. Чунки ичак деворларини қитиқловчи сафро тўхтаб қолган бўлади. касалликни даволамасдан ўз ҳолига ташлаб қўйиш хавфлидир.
Жигар қаттиқлашса, бу ёмон белги. Салбий аломатлардан яна бири сийдикнинг қора-қизил тус олиши ҳисобланади. Беморнинг қорни санчиб оғрийди, иситмалайди, эти увишади ва боши айланади.
Беморнинг тана ҳарорати кўтарилмаса ва қуввати ўзида бўлса, тез орада тузалишига умид бор. Унинг тузалаётганини рангидаги сариқлик кетаётгандан, пешоб ва нажас ранги аввалги ҳолига қайтганидан билиш мумкин. Сариқ касаллигига чалинган киши уйқусизлик, ғазабланиш, кўп ҳаракат қилиш ва иссиқ ҳаммомга тушишдан сақланиши керак. Шифобахш гиёҳлар билан қайнатилган илиқ сув билан чўмилиш, совуқ сув тўлдирилган ваннага ўтириш ёки ҳовузга тушиш фойдали.
Поликлиникаларда қўшимча тиббий хизматлар пулли бўлиши мумкин
Хориждан қайтган фуқароларнинг ОИВга тест топшириши мажбурий бўлади
Шифокорлар саратон касаллигининг олдини олиш сирини очишди
