Ҳутийлар 24 соат ичида АҚШ самолёт ташувчи кемасига уч марта ҳужум қилишди

Яманнинг "Ансор Аллоҳ" ҳаракатининг ҳутий исёнчилари сўнгги 24 соат ичида Американинг USS Harry Truman авиаташувчи кемасига уч марта ҳужум қилди. Бу ҳақда исёнчилар томонидан тузилган қуролли кучлар вакили Яҳё Сария маълум қилди.

"Охирги 24 соат ичида қуролли кучларимиз Қизил денгизда АҚШнинг "USS Harry Truman" авиаташувчи кемаси бошчилигидаги душманнинг учта жанговар кема гуруҳини жалб қилди. Операцияда ракета кучлари, учувчисиз самолётлар ва денгиз кучлари иштирок этди, улар бир нечта қанотли ракеталар ва учувчисиз учоқлардан фойдаланган", - деди ҳаракат вакили хусийларга тегишли Al Masirah телеканалида.

15 март куни АҚШ президенти Дональд Трамп Яман ҳудудининг учдан бир қисмини назорат қилаётган исёнчиларга қарши ҳарбий операция бошланганини эълон қилди. У бу қарорини хусийларнинг Қизил денгиз ва Адан кўрфазидаги тижорат кемаларига ҳужуми билан изоҳлади. Операция Қизил денгизда жойлашган USS Harry Truman самолёт ташувчи гуруҳини ўз ичига олади. У Ямандаги "Ансор Аллоҳ" ҳаракати назорати остидаги ҳудудларга мунтазам зарбалар бериб туради.