25 ноябрь куни "Ҳумо Арена"да машҳур артист Jah Khalib'нинг узоқ кутилган концерт дастури бўлиб ўтди.
Томошабинларнинг фан зонасига киришини назорат қилиш чоғида концертга сохта чипталарни iticket.uz расмий платформаси орқали эмас, балки бошқа сайтлардан харид қилган кўплаб одамлар томонидан қўзғатилган назоратсиз навбат пайдо бўлди. Спекуляторлар ва воситачилар томонидан сотилган юзлаб қалбаки чипталар аниқланди. Шундай қилиб, атиги битта QR код ёрдамида тадбирга киришга 115 та уриниш қилинган.
Дастурий назорат тизими туфайли қалбаки чипта сотиб олган шахслар тадбирга кира олмадилар. Бироқ, улар яратган тартибсизликлар натижасида қўлида ҳақиқий чипта бўлган одамлар концертга кира олмадилар.
Айни пайтда қалбаки чипталар ва уларни сотиб олган шахсларга оид тўлиқ маълумотлар ҳар бир факт учун айбдор шахсларни аниқлаш ва жавобгарликка тортиш учун Марказий ИИБга топширилди.
Таъкидлаш жоизки, ITICKET ўз фаолияти давомида юзлаб йирик маҳаллий ва халқаро маданий ва спорт тадбирларида иштирок этиб, Ўзбекистонда маданият ва спорт ривожига ўз ҳиссасини қўшди. Ўз тажрибамиздан фойдаланиб, ҳуқуқни муҳофаза қилувчи органларга айбдорларни жавобгарликка тортиш учун барча имкониятларимизни ишга соламиз.
Биз бўлган воқеа учун афсусдамиз ва тадбир ташкилотчиси номидан шуни таъкидлаб ўтамизки, Jah Khalib концертига расмий манбадан ёки iticket.uz кассасидан чипта сотиб олган ва тадбирда қатнаша олмаган ҳар бир мижозга пул қайтариб берилади.
Эслатиб ўтамиз, ITICKET концертлар ташкилотчиси эмас, компания фақат чипталарнинг ҳақиқийлиги ва харидорларнинг маблағлари учун жавобгардир.
Чипталарни фақат веб-сайт ёки итиcкет.уз кассасидан ёки тадбир ташкилотчиларидан харид қилишингизни сўраймиз. Чипталарни қайта сотиш ёки бошқа ҳар қандай шаклда сотиш қонунан тақиқланади.
Ҳурмат билан,
ITICKET компанияси
