Ҳиндистоннинг Ғарбий Бенгалия штатида ўтган сайловлардан сўнг бошланган зўравонликлар натижасида камида уч киши ҳалок бўлди, жумладан, Бош вазир Нарендра Модининг "Бхаратия Жаната Парти" (BJP) етакчиларидан бирининг ёрдамчиси ҳам қурбон бўлган.
Сайловда Моди бошчилигидаги BJP партияси 2011 йилдан бери ҳокимиятда бўлган Мамата Банержининг "Тринамул Конгресс" партияси устидан ғалаба қозонган. Бироқ Банержи истеъфога чиқишдан бош тортиб, Сайлов комиссиясини рақиблар билан тил бириктирганликда айбламоқда.
Полиция маълумотларига кўра, штат бўйлаб содир этилган зўравонликлар юзасидан 200 дан ортиқ жиноий иш қўзғатилган ва 433 киши ҳибсга олинган. Иккала сиёсий куч ҳам ҳужумларда бир-бирини айбламоқда.
Маълумот учун, Ғарбий Бенгалияда 2021 йилги сайловлардан кейин ҳам шунга ўхшаш тартибсизликлар юз бериб, ўнлаб киши ҳалок бўлган эди.
Ҳимолайда 2021 йилда йўқолган россиялик талаба йилдан кейин Непалдаги баланд тоғли буддавий монастирда топилди
Ўзбекистонликлар май ойида 14 кун дам олади
Серхио Агуэро: «Абдуқодир Ҳусанов шу даражани 3-4 йил сақлаб қолса, дунёнинг энг яхши ҳимоячиларидан бирига айланиши мумкин»
