Ҳиндистон С-400 нинг янги партиясини олишни режалаштирмоқда

Ҳиндистон 2023 йил бошида С-400 нинг янги партиясини олишни режалаштирмоқда. Бу ҳақда Ҳиндистон мудофаа вазирлигидаги манбага таяниб, АNI ахборот агентлиги хабар бермоқда:

«... С-400 нинг учинчи полк тўпламини етказиб бериш келаси йилнинг январь-февраль ойларида бошланиши режалаштирилган...»

Ҳиндистон аввалроқ Россиядан олинган, мамлакатнинг шимоли-ғарбий минтақасида хавфсизликни таъминлаш учун жойлаштирилган иккита полк С-400 ҳаво мудофаа тизимларини ишга туширди.

Россия ва Ҳиндистон ўртасида С-400 етказиб бериш бўйича шартнома 2018 йил октабр ойида имзоланган. 5 та полк тўпламининг нархи 5,43 миллиард долларни ташкил қилади.

Тизим баллистик ва қанотли ракеталарни, қирувчи самолётларни ва учувчисиз учиш аппаратларини 400 кмгача бўлган масофада тутиб олиши мумкин.