Ҳиндистон иккита баллистик ракетани синовдан ўтказди

Ҳиндистон Prithvi-II ва Agni-I иккита қисқа масофали баллистик ракеталарни муваффақиятли синовдан ўтказди.

Бу ҳақда Ҳиндистон мудофаа вазирлигининг пресс-релизида маълум қилинди.

"Синовлар Чандипур полигонида (шарқий Одиша штати) бўлиб ўтди. Ракеталар стратегик кучлар қўмондонлиги назорати остида учирилди. "Барча техник ва эксплуатацион кўрсаткичлар тасдиқланди”, — дея таъкидлади Ҳиндистон ҳарбий департаменти.

Prithvi-II ва Agni-I Ҳиндистоннинг стратегик арсеналининг бир қисми бўлиб, юқори аниқликдаги зарбалар бериш учун мўлжалланган. Prithvi-II оғирлиги 0,5 дан 1 тоннагача бўлган жанговар каллакни олиб юриши мумкин, унинг парвоз масофаси 250 дан 350 км гача. У ракетадан қочиш технологиялари билан жиҳозланган ва энг янги нишонни бошқариш тизимидан фойдаланади. Унинг двигатели Совет Б-755 зенит-ракета двигатели (С-75 комплекси) асосида ишлаб чиқилган.

Agni серияли баллистик ракеталар Ҳиндистон Мудофаа вазирлигининг бошқариладиган ракеталарини ишлаб чиқиш бўйича интеграциялашган дастури доирасида яратилган. Мамлакатда бундай ракеталарнинг тўрт тури хизматда. Agni-Iнинг парвоз масофаси 700 км га етади.