ҲАМАС Исроилнинг жанговар ҳаракатларни тўхтатиш бўйича навбатдаги таклифини рад этди

ҲАМАС Исроилнинг жанговар ҳаракатларни тўхтатиш бўйича навбатдаги таклифини рад этди. Бу ҳақда BBC хабар берди.

Нашрга кўра, гуруҳ Исроилнинг олти ҳафталик тинчлик таклифини рад этган. Таклиф тирик қолган исроиллик гаровларнинг ярмини озод қилиш ва ҲАМАСни қуролсизлантириш эвазига берилган эди.

Қоҳирадаги музокаралар жараёнидан хабардор бўлган юқори мартабали фаластинлик амалдор BBC билан суҳбатда ушбу масала бўйича изоҳ бериб ўтди.

"Исроилнинг таклифи Миср орқали ҳаракат етказилди. Унда Исроилнинг урушни тўхтатиш ёки Ғазо секторидан чиқиб кетиш мажбуриятисиз ҲАМАСни қуролсизлантиришга чақирилган эди. Шу сабабли ҲАМАС ушбу таклифни бутунлай рад этди", – дея таъкидлади амалдор.

BBC суҳбатдошининг фикрича, Исроил урушни тўхтатмасдан гаровдагиларни қайтариш учун вақтни чўзмоқда. ҲАМАС бу позицияни" қабул қилиб бўлмайдиган" деб ҳисобламоқда.

BBC манбасининг маълум қилишича, келажакдаги ҳар қандай битим Исроилнинг урушни тўхтатиш ва Ғазо секторини тарк этиш мажбуриятини ўз ичига олиши шарт.

Бундан ташқари, ҲАМАС вакиллари душанба куни қисқа ташриф билан Қоҳирани тарк этгани маълум бўлди.