ҲАМАС ҳаракати Исроил томонидан Рафаҳдаги муҳожирлар лагери ўққа тутилганидан сўнг ҳеч қандай музокараларда қатнашмаслигини маълум қилди.
Бу ҳақда “Синьхуа” агентлиги манбасига таяниб хабар бермоқда.
Фаластин Қизил ярим ой жамияти якшанба куни кечқурун Исроил ҳарбий-ҳаво кучларининг Рафаҳ шимоли-ғарбидаги қочқинлар лагерига уюштирган зарбаси натижасида кўплаб одамлар ҳалок бўлганини ва яраланганини маълум қилди. Фаластин фуқаролик мудофаасининг маълум қилишича, Исроилнинг Рафаҳдаги лагерга уюштирган зарбаси оқибатида камида 40 киши ҳалок бўлган ва ўнлаб кишилар яраланган.
