Ҳафтанинг биринчи ярмида Ўзбекистон ҳудудининг катта қисмида ҳаво илиқ бўлади

25−27 ноябрь кунлари ҳарорат асосан кечалари +2…+7, кундуз кунлари +15…+20 даража, жанубда кечалари +7…+12 даража, кундуз кунлари +17…+22 даража атрофида бўлади. Фақат Қорақалпоғистонда совуқ об-ҳаво сақланиб туради, ҳарорат кечалари −2…−7 даража бўлади, кундуз кунлари эса ҳарорат +7…+12 даражадан ошмайди.

Ҳафтанинг иккинчи ярмида Ўзбекистон ҳудудига нам ҳаво кириб келиши бошланади. 28−29 ноябрда республиканинг кўпчилик вилоятларида баъзи жойларда ёмғир ёғади, фақат Фарғона водийси вилоятларида ва 28 ноябрда Тошкент, Сирдарё вилоятларида қуруқ об-ҳаво сақланиб туради.