Грецияда вертолёт қулаши оқибатида уч киши ҳалок бўлди

Эгей денгизидаги Грециянинг Сифнос оролида кичик хусусий вертолёт ҳалокатга учради, натижада бортдаги уч киши ҳалок бўлди.

Бу ҳақда Ekathimerini нашри хабар берди.

Дастлабки маълумотларга кўра, вертолёт ерга урилгандан кейин ёниб кетган. Маҳаллий ўт ўчирувчилар ёнғинни ўчиришди.

Вертолёт Толос ҳудудидаги аэродромдан учиб кетганидан кўп ўтмай аҳоли пунктига қулади. Учувчи ва икки йўловчининг шахси ҳали аниқланмаган.

Авария сабаби тергов қилинмоқда.