Goal.com портали "Олтин тўп"га даъвогарлар рўйхатини эълон қилди

Goal.com портали 2023 йил учун "Олтин тўп"га даъвогарларнинг янгиланган версиясини эълон қилди.

Рўйхатда "ПСЖ"нинг аргентиналик ҳужумчиси Лионель Месси етакчилик қилмоқда. Иккинчи поғонада "Манчестер Сити"нинг норвегиялик ҳужумчиси Эрлинг Холанд, учинчи поғонада Мессининг жамоадоши, аввалги версияда иккинчи поғонада жойлашган франциялик Килиан Мбаппе турибди.

Шунингдек, топ-ўнталикдан Виктор Осимҳен ("Наполи"/Нигерия), Винисиус Жуниор ("Реал Мадрид"/Бразилия), Хвича Кварацхелия ("Наполи"/Грузия), Маркус Рэшфорд ("Манчестер Юнайтед"/Англия), Роберт Левандовски ("Барселона"/Польша), Каземиро ("Манчестер Юнайтед"/Бразилия) ва Букайо Сака ("Арсенал"/Англия) жой олди.