Германиядаги ноқулай об-ҳаво туфайли бир киши ҳалок бўлди, 50 дан ортиқ киши жароҳатланди.
Жума куни кечқурун ва шанбага ўтар кечаси Германиянинг ғарбий ва марказий ҳудудларида бўронли шамоллар, дўл ва кучли ёмғир ёғди. Падерборн шаҳри (Шимолий Рейн-Вестфалия) полицияси маълумотларига кўра, у ерда 43 киши жабрланган, улардан 30 нафари касалхонага ётқизилган. Бу ҳақда “ТАСС” хабар бермоқда.
Ҳуқуқ-тартибот ходимларининг таъкидлашича, шаҳар "миллион доллар зарар кўрган". Кўплаб уйларнинг томлари учиб кетган, дарахтлар қулаган, машиналарга зарар етган.
Шунингдек, ёмон об-ҳаво оқибатлари ҳақида Бавария ва Тюрингия федерал штатларидан хабар берилади. DPA маълумотларига кўра, Бавария аҳоли пунктларидан бирида 14 киши жабрланган — улар шамол туфайли қулаб тушган ёғоч бинодан паноҳ топган. Рейнланд-Пфалцда бир киши чақмоқ уриши оқибатида ҳалок бўлди.
Deutsche Bahn темир йўл концерни рельсларга қулаган дарахтлар ҳақида огоҳлантиради ва кун давомида жадвалда кечикишларни истисно қилмайди.