Германияда ҳарорат +41,7℃ гача кўтарилди

Германия учинчи марта иссиқлик рекордини янгилади, деб ёзмоқда DW

Мамлакат метеорология хизматининг дастлабки маълумотларига кўра, Бранденбург федерал еридаги, Полша чегараси яқинида жойлашган Кошен қишлоғида 28 июн куни маҳаллий вақт билан соат 15:10 да ҳаво ҳарорати +41,7℃ га етди.

Бу бутун кузатувлар тарихидаги энг юқори кўрсаткичдир. Бундан олдинги рекорд 26 июн куни Саар федерал ерида қайд этилган бўлиб, у ерда ҳарорат +41,3℃ гача кўтарилган эди.

Унгача бўлган энг юқори кўрсаткич (+41,2℃) 2019 йил 25 июлда Шимолий Рейн — Вестфалия федерал ерида кузатилган, дейилади хабарда.