Германия ташқи ишлар вазири Бербок Россия билан "сохта тинчлик"дан огоҳлантирди

Германия ташқи ишлар вазири Анналена Бербок украиналиклар ва европаликлар устидан Россия билан ҳеч қандай келишувга эришиш мумкин эмаслигини таъкидлади.

"Украиналиклар ва европаликлар устидан ўрнатилган сохта тинчлик ҳеч қандай натижа бермайди," - деди Бербок Мюнхен хавфсизлик конференцияси арафасида Ташқи ишлар вазирлиги баёнотида, бу анжуманни "ҳар қачонгидан ҳам муҳимроқ" деб таърифлади.

Бербокнинг фикрича, Украина учун "қатъий ва узоқ муддатли" хавфсизлик кафолатлари, шунингдек, "кучли НАТО" тинчликка эришишнинг ягона йўлидир.

Бу АҚШ президенти Доналд Трампнинг Россия ва Украина ўртасидаги ҳарбий ҳаракатларга барҳам бериш режасини кўпчилик кутаётган бир пайтда айтилди.