ГФР ички ишлар вазири Александер Добриндт Германия йил охиригача гуманитар сабаблар билан мамлакатда бўлишга рухсат олган 535 нафар Афғонистон фуқаросини қабул қилишга тайёр эканини билдирди. У бу ҳақда 18 декабр, пайшанба куни Redaktionsnetzwerk Deutschland (RND) медиагуруҳи нашрларига берган интервюсида айтди.
Гап 2021 йил августда “Толибон” ҳаракати Афғонистонда ҳокимиятни эгаллаб олганидан кейин Покистонга қочган одамлар ҳақида кетмоқда. Улар Германия бундесвери ва бошқа давлат ташкилотлари билан ҳамкорлик қилгани учун ўз хавфсизлигига таҳдид бўлишидан қўрққан.
Александер Добриндтнинг айтишича, Германия ҳукумати бу афғонистонликларни “имкон қадар тезроқ” қабул қилишдан манфаатдор.
AFP келтирган Amnesty International ва Pro Asyl ҳуқуқ ҳимоя ташкилотлари маълумотларига кўра, Покистонда Германияга эвакуацияни кутиб турган тахминан 1800 нафар афғонистонлик бор. Уларнинг кўпчилиги Германиянинг давлат, ноҳукумат ва маданий ташкилотларида ишлаган.
250 дан ортиқ немис ташкилоти Германия федерал ҳукуматига очиқ хат йўллаб, гуманитар сабаблар билан Германияда бўлишга рухсат олган афғонистонликларни қабул қилишга чақирган. “Вақт тугаяпти — ҳар кун ҳисобда. Агар бу одамлар Афғонистонга қайтарилса, уларнинг ҳаёти хавф остида қолади”, — дея ташкилотлар баёнотидан иқтибос келтиради AFP.
Минг афсус! АҚШдаги отишмада ўзбек талаба ҳалок бўлди
Тўсатдан картангиздан пул ечилса, ҳайрон бўлманг!
Аҳолига ҳеч қандай шартларсиз ҳар 3 ойда 200 доллардан берилади
