Жаҳон соғлиқни сақлаш ташкилоти (ЖССТ) Жаҳон соғлиқни сақлаш кунини Ғазодаги 55 минг ҳомиладор аёлнинг аҳволи ҳақидаги баёнот билан нишонлади. Унда таъкидланишича, "давом этаётган зўравонлик, кўчишлар ва тиббий ёрдам олиш имкониятининг йўқлиги туфайли ҳомиладорлик қўрқув соясида ўтмоқда."
ЖССТ маълумотига кўра, Ғазодаги ҳомиладор аёлларнинг учдан бир қисми юқори хавфли ҳомиладорликни бошдан кечирмоқда.
Янги туғилган чақалоқларнинг тахминан 20 фоизи муддатидан олдин, кам вазнли ёки асоратлар билан туғилмоқда ва топиш қийин бўлган юқори даражадаги парваришга муҳтож бўлмоқда.
Ташкилот хабарида айтилишича, "Ҳамкорлар маълум қилишича, кўчма инкубаторлар, чақалоқлар учун сунъий нафас олдириш аппаратлари, ультратовуш қурилмалари ва кислород насослари каби зарур ускуналар ва дори-дармонлар, шунингдек, икки ёшгача бўлган 60 минг болани тўлиқ ҳимоя қилишга етадиган 180 минг дозали оддий болалар вакциналари ҳудудга киритилишига рухсат берилмаган. Бу эса касал янги туғилган чақалоқлар ва ёш болаларни ҳаётий зарур парваришдан маҳрум қилмоқда."
АҚШ-Хитой уруши бошланади: Мутахассислар даҳшатли башорат билан чиқди
Россияда Хитой автосалонлари тезлик билан ёпилмоқда
Роналдунинг ўзи ва оиласи хавф остида!
