Ғазо сектори жанубидаги Рафаҳ шаҳрида 1 миллиондан ортиқ аҳоли тасаввур қилиб бўлмайдиган азоб-уқубатларга дуч келди. Ғазода бошқа борадиган жой қолмаган. Бу ҳақда БМТ бош котибининг гуманитар масалалар бўйича ўринбосари Мартин Гриффитс маълум қилди.
У Исроил армиясининг Рафаҳ ҳудудига қилиши мумкин бўлган эҳтимолий ҳужуми ҳақида фикр билдирди.
“Кўчалар миналар билан тўлдирилган, маҳаллалар бомбардимон қилинган. Бир неча ойлар давомида тинч аҳоли бомбалар, озиқ-овқат танқислиги ва касаллик шароитида кўчиб ўтишга мажбур бўлди”, дейди Гриффитс.
“Улар қаерга боришлари мумкин? Қандай қилиб улар хавфсиз қолишлари мумкин? Ғазода бошқа борадиган жой йўқ”, деб ёзди у ижтимоий тармоқда.
Бирлашган Миллатлар Ташкилоти вакили Ғазонинг тинч аҳолисини ҳимоя қилишга, уларни бошпана, озиқ-овқат ва тиббий хизматлар билан таъминлашга чақирди.
Аввалроқ Исроил бош вазирлиги идораси “Ғазо жанубида ҲАМАСнинг тўртта баталёнини йўқ қилмасдан туриб, уруш мақсадига эришиш мумкин эмас”, деб айтган эди.
Лавров қанча давлат Россияни йўқ қилмоқчи эканлигини айтди
Украинада миллионлаб одамларнинг мамлакатни оммавий равишда тарк этиши бошланади
Марказий банк собиқ раҳбари ҳибсга олинди
