Ғарб давлатлари Украинанинг хавфсизлиги бўйича мажбуриятларини бажаришга шошилишмоқда. Бу ҳақда Politico хабар берди.
Нашрнинг альянснинг юқори мартабали вакилига таяниб ёзишича, гап Украинада уруш тугагунига қадар ва мамлакат НАТОга аъзо бўлгунга қадар ўтиш даври учун хавфсизлик мажбуриятлари ҳақида бормоқда.
"Бу Украина Қуролли кучларини жуда узоқ вақт давомида жиҳозлашимизнинг кафолати бўлади. Шунингдек, Украина Қуролли кучлари ҳар қандай эҳтимолий бўлажак тажовузуларни олдини олиш қобилиятига эга бўлишлари учун уларни молиялаштирамиз, тайёрлантирамиз ва ўқитамиз", — деб таъкидлади нашрнинг аноним қолишни истаган НАТОдаги юқори мартабали суҳбатдоши.
