Ёнғинлардан бири Окситания минтақасидаги Сент-Мари-ла-Мер коммунаси ҳудудида бошланди. У ердан эвакуация қилинган одамларнинг деярли ярми кемпингларда яшаётган эди, олов ўнлаб автофургон ва бунгалоларни вайрон қилди.
Бундан ҳам кучлироқ яна бир ёнғин Окситания минтақасида жойлашган кичик Пузоль-Минервуа коммунаси яқинида юз берди. У ерда қарийб 9 кв км майдондаги ўсимлик дунёси ёниб кетди.
Шунингдек, Марсел шаҳридан шимолда, Роняк ва Лансон-Прованс коммуналари яқинида ҳам ёнғинлар юзага келди. Улар сабабли, хусусан, Марсель, Бордо ва Авиньон ўртасидаги айрим поездлар қатнови бекор қилинди.
Франция бош вазири Себастян Лекорнюнинг сўзларига кўра, фақатгина 1 июл кунининг ўзида бутун Франция бўйлаб 12 кв км ер ёниб кул бўлган. Мамлакатда ўрмон ёнғинлари кутилма қилинган муддатдан икки-уч ҳафта эрта бошланди, деб қайд этди у.
Бунга ҳафталаб давом этган иссиқ ва қурғоқчил об-ҳаво сабаб бўлган. Францияда июн ойидаги жазирама 11 кун давом этди. Ўшанда кўплаб минтақаларда ҳаво ҳарорати 40°C дан юқори кўтарилган эди.
Ўн йилдан сўнг пулнинг аҳамияти деярли қолмайди
1 августдан автомобиллар учун газ бепул бўлади
Эрон 200 нафардан ортиқ америкалик ҳарбий хизматчиларни йўқ қилди
