Франциянинг Тинч океанидаги чет эл ҳудуди бўлган Янги Каледонияда намойишчи полиция томонидан отиб ўлдирилганидан кейин содир бўлган тартибсизликлар қурбонлари сони 12 кишига етди.
Бу ҳақда France 24 телеканали маълум қилди.
"Франция хавфсизлик кучларининг чоршанбадан пайшанбага ўтар кечаси Янги Каледонияда ўтказган операцияси чоғида бир киши ҳалок бўлди. Шу тариқа, Франциянинг Тинч океани ҳудудидаги тўрт ойлик тартибсизликлар давомида ҳалок бўлганлар сони 12 нафарга етди", - дейилади хабарда.
Агентликнинг қайд этишича, воқеа хориждаги ҳудуднинг маъмурий маркази Ноумеа яқинидаги Сен-Луи қишлоғида полиция ва намойишчилар ўртасидаги тўқнашувлар вақтида юз берган. Материалга кўра, полиция яна ўн нафар намойишчини қидиришда давом этмоқда.
Эслатиб ўтамиз, Парижда Янги Каледонияда 10 йилдан ортиқ яшовчи шахсларга маҳаллий сайловларда иштирок этиш учун овоз бериш ҳуқуқини беришни назарда тутувчи конституциявий ўзгартириш кўриб чиқилаётгани сабабли аҳоли норозилик билдирмоқда. Намойишлар оролнинг мустақиллик тарафдори маҳаллий Канаки халқи томонидан уюштирилди, улар оролнинг сўнгги 20 йил ичида у эрга кўчиб келган Европа аҳолисининг бир қисмига овоз бериш ҳуқуқи берилса, озчиликда қолиб кетишларидан қўрқишди.
Криштиану Роналду ва Лионел Месси ўртасидаги 100 метрга югуриш пойгасида ким ғолиб чиқади?
Исроил жиддий хатога йўл қўйди
Россия Курск шаҳарларини қайтариб олди. Украинанинг Россияга ҳужуми барбод бўлдими?
