Франция ташқи ишлар вазири Кетрин Колонна RFI радиостанциясининг Украина бўлимига берган интервьюсида Париж Киевга янги ҳарбий ёрдам пакетини тайёрлаётганини айтди.
Бу ҳақда ТАСС ёзмоқда.
“Украина томонидан билдирилган фавқулодда эҳтиёжларни доимо ҳисобга олган ҳолда ҳарбий ёрдамнинг янги етказиб берилиши тайёрланмоқда”, деди у.
Гап қайси қурол ҳақида кетаётганига аниқлик киритилмаган.
Унинг сўзларига кўра, Париж узоқ муддатда Киев салоҳиятини кучайтириш ниятида, шунинг учун Франция раҳбари Эммануэл Макрон Украина учун ҳарбий учувчиларни тайёрлашни таклиф қилган.
