Ташриф давомида Жамғарманинг меҳмон ва ҳамкорлари қурилиш ишларининг бугунги ҳолати билан танишиб, Марказнинг режалари ва истиқболли лойиҳаларини муҳокама қилдилар.
Қайд этилишича, эндиликда бинода жамоат жойларидан ташқари Реставрация илмий-тадқиқот маркази ҳам жойлашади.
Реставрация маркази қайта таъмирлаш ишларининг марказлашган тизимини яратиш, маҳаллий мутахассисларнинг малакасини ошириш, реставрация ва консервациянинг юқори сифатли усулларини ишлаб чиқишни кўзлайди.
Франция маданият марказининг асосий мақсадлари Франция ва Ўзбекистон ўртасидаги маданий-гуманитар алоқаларни мустаҳкамлашга кўмаклашишдан иборатдир.
