Жазоир уруши пайтида қийноқларга имкон берувчи бир тизим қўллангани Франция томонидан тан олинди, дея хабар бермоқда ВВС.
Франция президенти маъмурияти томонидан тарқатилган баёнотда айтилишича, 1954-1962 йиллардаги уруш чоғида Жазоирда тартибни сақлаш учун армияга алоҳида ваколат берилган, шу тариқа қийноқларга ва бошқа даҳшатли ҳаракатларга замин ҳозирланган.
Уруш туфайли 1,5 миллион жазоирлик ҳалок бўлган ва алал-оқибат 130 йил давом этган мустамлака даври ниҳоясига етган.
Авваллари Францияда Жазоир уруши пайтида қиноқлар қўллангани тасвирланган китоблар, газеталар ва фильмлар тақиқлаб қўйилган эди. Энди эса уруш пайтида йўқолган французлар ва жазоирликлар ҳақидаги давлат архивлари очилиши маълум қилинди.
“Ҳақиқатни изламай туриб озодлик, тенглик ва биродарликка эришиб бўлмайди”, – дейилади баёнотда.
Manba: azon.uz
Россия яна бир ҳарбий можарода иштирок этиши мумкин
Макрон: "Агар Россия ғалаба қозонса..."
Россия Арманистон учун қарор чиқарди
