Кеча кундузи Франкфурт шаҳрида қурилиш ишлари олиб борилаётган пайтда Иккинчи жаҳон уруши даврига оид 500 килограммли авиация бомбаси топилди. Ҳодиса жойи атрофида 300 метрлик хавфсизлик ҳудуди белгиланиб, тахминан 2500 нафар аҳоли эвакуация қилинди.
Бомбани зарарсизлантириш ишлари кечқурун бошланди — мутахассислар уни қўлда чиқаришга мажбур бўлишди. Тахминан бир соатдан сўнг маҳаллий ҳокимият бомба муваффақиятли зарарсизлантирилганини ва эндиликда ҳеч қандай хавф йўқлигини маълум қилди.