France Télévisions ходимлари бомба таҳдиди туфайли эвакуация қилинди

Франциянинг France Télévisions давлат телерадиокомпанияси ходимлари бинода бомба борлиги ҳақидаги хабарлар туфайли эвакуация қилинди.

Бу ҳақда France Info телеканали хабар бермоқда.

Компания каналлари ва станцияларидан эшиттиришлар узилиб қолди. Воқеа 17:30да содир бўлган. France Info телеканалида сирена эшитилди. "Биз эшиттиришларни тўхтатишга мажбурмиз", деди кечки янгиликлар бошловчиси.

Воқеа жойига полиция отряди ва кинология бўлинмалари жўнатилди.

Шунга ўхшаш воқеа бир неча кун олдин BFMTV телеканалида содир бўлган эди. Ўшанда бинода ҳеч қандай портловчи мослама топилмаган.