Forbes энг кўп маош оладиган давлат раҳбарлари рўйхатини эълон қилди

Сингапур бош вазири Лоуренс Вонг энг кўп маош олувчи давлат раҳбари бўлди, деб ёзади Forbes журнали. Унинг йиллик маоши тахминан 1,69 миллион долларни ташкил этади, Россия президенти Владимир Путин рейтингда 28-ўринни эгаллади.

Forbes журналининг сиёсий етакчиларнинг маошлари ҳақидаги маълумотлари "Сиёсий маошлар" ҳисоб-китобларига асосланади. Энг кўп маош оладиган сиёсатчилар қаторига қуйидагилар ҳам киради:

Швейцария президенти Виола Амҳерд (569,5 минг доллар);
Австралия Бош вазири Энтони Албаниз (412,5 минг доллар);
АҚШ президенти Жо Байден (400 минг доллар);
Австрия канцлери Карл Нехаммер (316,7 минг доллар);
Янги Зеландия бош вазири Кристофер Лаксон (310,5 минг доллар).
Эфиопия бош вазири Абий Аҳмад Али йилига энг кам маош олади (1,7 минг доллар). Молдова, Сербия, Қозоғистон, Камерун, Мавритания, Непал ва Саудия Арабистони раҳбарларининг ҳозирги даромадларини аниқлашнинг имкони бўлмади.

Сиёсий маошларга кўра, Владимир Путиннинг йиллик маоши 113,6 минг долларни (10,2 миллион рубл) ташкил этади. 2024 йилги президентлик сайловлари олдидан Россия президенти МСКга декларация тақдим этди, унга кўра 2017 йилдан 2022 йилгача бўлган даврда 67,5 миллион рубль даромад олган. Ушбу миқдорга иш ҳақи, пенсиялар, шунингдек, банк депозитлари, қимматли қоғозлар ва мулкни сотишдан тушган даромадлар киради.