Флоридадаги самолёт ҳалокатида мультимиллионер ва унинг оиласи ҳалок бўлди

1 ноябрь куни Флоридада Learjet 60 хусусий самолёти ҳалокатга учраб, бортидаги 9 киши ҳалок бўлди.
Қурбонлар орасида америкалик тадбиркор, Retention_com ва RB2B компаниялари асосчиси Адам Робинсон, унинг рафиқаси, икки фарзанди, оилавий дўстлари ва болалар энағаси бор.
Самолёт Техасдан Багама оролларига йўл олган бўлиб, ҳалокатдан сўнг ёнғин чиққан. Ҳодиса сабаблари ҳозирча аниқланмаган, NTSB терговни давом эттирмоқда.
Ҳалокат жойи Дональд Трампнинг Мар-а-Лаго қароргоҳидан тахминан 13 километр узоқликда жойлашган.