Финляндияда икки фуқаролик вертолёти ўрмонли ҳудудга қулади

Финляндияда иккита фуқаролик вертолёти тўқнашди.

Бу ҳақда мамлакат қутқарув хизмати хабар бермоқда.

Ҳозирча жабрланганлар ҳақида маълумот берилмаган. Иккала вертолёт ҳам топилган, улар ўрмонли ҳудудга қулаган.

Эстониянинг Postimees газетаси маълумотига кўра, вертолётлардан бирида эстон тадбиркорлари Олег Гросс ва Прийт Ягант бўлган.

Финляндия Мудофаа кучлари маълумотига кўра, бу вертолётлар фуқаролик техникаси бўлиб, Ҳаво кучлари ёки Қуролли кучларга алоқадор эмас.