Финляндияда сўровда қатнашган аҳолининг қарийб ярми (49%) мамлакатда ядровий қурол жойлаштирилишига қарши чиқмоқда. Бундай маълумотларни "Helsingin Sanomat" нашри "Verian" компанияси ўтказган сўровномага таяниб келтирмоқда.
"Финларнинг деярли ярми Финляндия ҳудудида ядровий қурол бўлишига қарши чиқмоқда", — дейилади нашрда.
Сўровнома натижаларига кўра, респондентларнинг 49 фоизи бундай қарорга қарши эканлигини билдирган. Иштирокчиларнинг 31 фоизи буни қўллаб-қувватлаган бўлса, яна 20 фоизи жавоб беришга қийналган.
Иқтидордаги "Миллий коалиция" партияси сайловчилари орасида бу ғояни 62 фоиз киши маъқуллайди. Шу билан бирга, мухолифатдаги социал-демократлар тарафдорларининг 61 фоизи ядровий қурол жойлаштирилишини қўллаб-қувватламайди.
Сўровнома 6-9 март кунлари 18 ёшдан ошган 1134 киши ўртасида ўтказилди. Хатолик даражаси 2,9 фоиз пунктини ташкил этди.
АҚШ Эрон нефть экспортининг 90 фоизини назорат қилувчи Харк оролини эгаллашни режалаштирмоқда
Эроннинг янги олий раҳбари сайланди, аммо...
Америкаликлар Трампнинг ўғлини урушга юборишни талаб қилмоқда
