ФИФА президенти Эрон терма жамоасига катта ваъда бериб қўйди

ФИФА президенти Жанни Инфантино CAFA Nations Cup финалида Ўзбекистонга қарши ўйиндан сўнг Эрон миллий терма жамоасининг кийим алмаштириш хонасига ташриф буюрди.

У футболчиларга мурожаат қилиб, шундай деди: "Сизлар жаҳон чемпионатига йўлланмани қўлга киритиб, ўз мамлакатингиз ва оилаларингизни фахрлантирдингиз. Сиз 80 миллион эронликни хурсанд қилдингиз. Эронлик футболчилардан бири 1998 йилги Жаҳон чемпионатида менга ўзининг футболкасини совға қилган эди, бу менда ҳозиргача бор ва мен учун қадрли.

Мен Қатардаги Жаҳон чемпионатини эслайман, ўшанда Эрон ва Уэлс ўйнаган, бу ақл бовар қилмайдиган ва ажойиб ўйин эди. Бу футбол туйғуси ва бутун стадион ўрнидан туриб қарсак чалди. Биз дунёни бирлаштиришимиз керак. Сиз жуда яхши ўйнадингиз ва сиз кучли жамоасиз. Футболда ғалабалар ва мағлубиятлар бор ва сиз ҳақиқатдан ҳам кучлисиз ва ўзингиз билан фахрланишингиз керак.

Халқаро футбол федерацияси президенти сифатида Жаҳон чемпионатидаги иштирокингизга кафолат бераман ва АҚШ, Канада, Мексикада бўлиб ўтадиган мундиалга хуш келибсиз!".