Жаҳон шахмат федерацияси апрель ойи якунлангач, ўз рейтингини янгилади. Ушбу янгиланган жаҳон рейтингида кучли 100 ликдан 4 нафар ўзбекистонлик гроссмейстер ўрин олди.
Рейтингда Нодирбек Абдусатторов 5-ўринда қайд этилди. У аввалги рейтингда 4-ўринни эгаллаган эди. Жавоҳир Синдоров рейтингда аввалги ой каби 50-ўринда қайд этилди. Февраль ойида эълон қилинган рейтингда у рейтингда 36-ўринда қайд этилган эди. Бундан ташқари, энг кучли шахматчилар рейтингида Рустам Қосимжонов (48-ўрин) ҳамда Нодирбек Якуббоев (72-ўрин) ўрин олган.
Нодирбек ёшлар ўртасидаги расмий рейтингда биринчи ўринда қайд этилган. Яна бир ҳамюртимиз Жавоҳир Синдоров саккизинчи ўринни эгаллаб турибди. У апрель ойида олтинчи ўринда қайд этилган эди.
Эслатиб ўтамиз, Нодирбек Абдусатторов “Tepe Sigeman 2024” мусобақасида иштирок этмоқда. Ҳозирда Ўзбекистоннинг биринчи рақамли шахматчиси 5 турдан 2.5 очко жамғарган ҳолда бешинчи ўринда бормоқда.
У бугун, 2 май санасида мусобақанинг 6-тур доирасида Германиянинг биринчи рақамли шахматчиси Винсент Кеймерга қарши дона суради.
Ҳасанбой Дўсматов Россиядаги юришини ғалаба билан бошлади
Ўзбекистон U23 терма жамоаси Париж олимпиадасига Канадалик ўзбекни олиб бормоқчи
Мен тайёрман. Келинг хурсандчилик қиламиз - Фьюри
