Фидан: АҚШ сайловлардан кейин Ироқ ва Суриядан қўшинларини олиб чиқиш масаласини кўриб чиқиши мумкин"

Туркия ташқи ишлар вазири Хоқон Фидан президентлик сайловларидан сўнг АҚШ Ироқ ва Суриядан ўз ҳарбий контингентини олиб чиқиш масаласини кўриб чиқиши мумкинлигини айтди. Бу ҳақда ТАСС ёзмоқда.

Ҳоқон Фидан таъкидлаганидек, Қўшма Штатлар Эроннинг таъсир доирасидаги минтақада ўзининг ҳарбий мавжудлигини истамайди. Америка қўшинлари у ерда экан, улар ҳужумга очиқ, дея қўшимча қилди у.

Унинг сўзларига кўра, Қўшма Штатлар 2025 йилда Бағдод расмийлари назорати остидаги ҳудудда Ироқдан, 2026 йилда эса Курдистондан қўшинларини олиб чиқиш масаласини муҳокама қилмоқда.