Фаластин Жениндаги жангариларга қарши курашда АҚШдан ҳарбий ёрдам сўради

Фаластин маъмурияти Женин шаҳри ва қочқинлар лагери устидан назоратни тиклаш учун операция ўтказиш учун АҚШдан ёрдам сўради.

Бу ҳақда Axios портали хабар бермоқда.

Унинг манбаларига кўра, Фаластин маъмурияти АҚШ хавфсизлик бўйича координатори Майк Фенцелга Фаластин хавфсизлик кучлари зудлик билан зарур бўлган асбоб-ускуналар ва ўқ-дорилар рўйхатини тақдим этган.

Axiosнинг эслатишича, Фаластин маъмуриятига ҳар қандай ҳарбий ёрдам фақат Исроилнинг розилиги билан амалга оширилиши мумкин.

Қайд этилишича, АҚШ президенти Жо Байден маъмурияти расмийлари исроилликлардан ўқ-дорилар, дубулғалар, зирҳлар, радиолар, тунги кўриш мосламалари, портловчи моддаларни зарарсизлантирувчи костюмлар ва зирҳли транспорт воситаларини зудлик билан етказиб беришни маъқуллашни сўраган.

Фаластин ва АҚШ расмийларининг айтишича, Фаластин етакчилари Сурияда назоратни ўз қўлига олган қуролли исёнчилар томонидан жасоратланган жангарилар Фаластин маъмуриятини ағдаришга уриниб кўриши мумкинлигидан хавотирлар туфайли Жениндаги операцияни бошлаган.