Европа Иттифоқининг собиқ раҳбари АҚШ ва Европа Иттифоқи ўртасидаги узоқ йиллик муносабатларнинг "ўлими" ҳақида гапирди

Европа кенгашининг собиқ раиси Шарль Мишель CNN телеканалига берган интервьюсида АҚШ ва Европа ўртасида ўн йиллаб давом этган трансатлантик муносабатлар кескин ўзгарганини билдирди.

Сиёсатчи таъкидлашича, АҚШ ва Европа ўртасидаги аввалги хавфсизлик архитектураси ҳамда ўзаро ишонч тизими энди мавжуд эмас.

"Биз ўн йиллар давомида билган шаклдаги трансатлантик муносабатлар ўлган", — деди Мишель.

Унинг сўзларига кўра, Гренландия атрофидаги инқироз АҚШ эндиликда сўнгги ўн йилликларда бўлганидек, олдиндан башорат қилинадиган ва ишончли иттифоқчи эмаслигини кўрсатди.